Jóhanna Sigurðardóttir?
Jóhanna Sigurðardóttir forsætisráðherra á 4066 stuðningsmenn á facebook og er langvinsælasti íslenski stjórnmálamaðurinn á þeirri síðu. Nú hef ég ekki fylgst náið með hennar pólitíska ferli og var að velta því fyrir mér afhverju hún er svona vinsæl. Hvað hefur þessi kona gert á alþingi annað en að lofa auknum ríkisútgjöldum? Afhverju er hún orðin forsætisráðherraefni Sf áður en prófkjöri er lokið? Hvað er málið með silfurlitaða hárið?
Mér finnst það líka frábært að byltingarsinnarnir sem börðu á macintosh dollur fyrir utan alþingi og heimtuðu breytingar, endurnýjun o.s.frv. séu rosa ánægðir með núverandi ríkisstjórn leidda af JS og SJS. Eru þetta ekki þeir þingmenn sem hafa hangið lengst inni á alþingi?
Skoðum svo endurnýjunina hjá samfylkingunni í Reykjavík í 1. - 8. sæti:
Ásta Ragnheiður Jóhannesdóttir
Helgi Hjörvar
Ingibjörg Sólrún Gísladóttir
Jóhanna Sigurðardóttir
Jón Baldvin Hannibalsson
Mörður Árnason
Steinunn Valdís Óskarsdóttir
Össur Skarphéðinsson
Eru þetta breytingarnar? Jón Baldvin Hannibalsson eini "nýi" maðurinn.
